،،،،،،كرهتك حيل صدقني،،،،،،،،

قديمه لعبتك هذي رجوعك ليه ابي افهم
ترى ماجيت في وقتك انا مو حاسب احسابك

نسيتك او تناسيتك دخيل الله لا تهتم
وابشرك وجه احزاني ضحكلي وانقفل بابك

بسيطه جات من صالح حياتي طعنتك للعلم
قريتك واستفد قلبي من المضمون بكتابك

تعلم قلبي من ايدك على كل مامضى يندم
زرعتك شوق اتحرى حظورك واثمر غيابك

تحملتك ولكنه جبرني الجرح اتكلم
خيانه شفتها منك عطرها تارس ثيابك

بنيتك حب في قلبي ولكن حظرتك تهدم
كرهتك حيل صدقني وكل هذا من اسبابك

تقول آسف ويخلف الله بقى بوجه التسامح دم
اسامح كل شي إلا الخيانه ونشوة اعجابك

انا يالك اجي واحد يساوي في عيونك كم
ولا ما اجي عندك واغير ناتج احبابك

تجيني والندم واضح ولا اقدر اقولك سم
لأن الجرح من شافك تضايق وقال وش جابك

وإذا تحسبني برجعلك بلاش تفكر وتحلم
لأني مو مثل اول احقق رقبة أهدابك

قديمه لعبتك هذه وكفايه ما أبي افهم
ارجوك ابتعد عني انا مو ناقص ألعابك

تسلمــ آناملكــ

ع الكلام

الروعهــ

لكــ ودي